I vår kommune finst det fleire å snakka med om bekymringar, tankar, kjensler og trivsel. Med andre ord skal du alltid finna nokon å snakke med om kva som helst, anten det gjeld deg sjølv, ein ven eller nokon i familien. Om du har god kontakt med nokon av dei vaksne ved skulen, for eksempel lærar,  sosiallærer eller helsesjukepleiar, kan han eller ho hjelpe deg direkte eller finna rett teneste til akkurat det du treng. Alle som arbeider med barn og unge i kommunen har teieplikt og må ha ditt samtykke for å involvere andre.

Les meir om dei som kan hjelpa deg her.

I vår kommune tek me alle bekymringar, små og store, som gjeld barn og unge like alvorleg. Om det er eit barn i familien din, venekretsen eller i nabolaget er det godt å ha ein vaksen som ser situasjonen til barnet og bidreg til at barnet får den oppfølginga det skal ha.

Du kan melde di bekymring til alle i kommunen som arbeider med barn. Det kan vere lærar/rektor, tilsett i offentleg eller privat barnehage, helsesjukepleiar, ungdomsteam, SLT-koordinator eller barneverntenesta.

I kommunen jobbar me saman med barnet og familien for å sikra at grunnlaget for bekymringa vert handtert, og me bruker BTI modellen til dette arbeidet.

Som tilsett er du pålagt å handle om du opplever ei bekymring knytta til eit barn. Det kan vere livssituasjon, familieliv, helse, trivsel på skule og likande som kan ha innverknad på barnet. Benytt deg av BTI-rettleiaren for å sikra riktig framgang i situasjonen etter modellen.