Når du er bekymra for eit barn eller ein ungdom, må du prøva å setja ord på uroa du kjenner – før du tek saka vidare. Dette er ikkje alltid like lett, for signala som har gjort deg uroa kan vera både vage, diffuse og vanskelege å tyda. Dei kan omhandla både fagleg, sosial og/eller emosjonell utvikling. Uroa di kan du drøfta med kollegaer/teamet ditt, men vèr bevisst på å ikkje spre informasjon meir enn naudsynt. Drøft anonymt om det er mogleg.

I menyen til høgre finn du fleire BTI-verktøy som kan vera til hjelp når du skal sirkla inn og definera uroa di, til dømes «Signal på manglande trivsel», «Observasjonsskjema» og «Risiko- og beskyttelsesfaktorer».

NB: Trur du allereie no at uroa di kan vera knytt til ein elev sitt fysiske og psykiske skulemiljø ( §9a-sak), skal du fylgja rutinene for trygt og godt skulemiljø (http://www.tryggskule.no/)

NB: Er uroa knytt til fysisk og/eller psykisk barnehagemiljø (Barnehagelova § 41), skal du fylgja rutinene for trygt og godt barnehagemiljø (https://www.udir.no/laring-og-trivsel/barnehagemiljo/)

NB: Handlar uroa om skulefråvær, skal ein nytta Rettleiar førebygging og oppfølging av fråvær i Timeskulen

NB: Er uroa di knytt til om barnet er utsatt for eller vitne til vald og/eller seksuelle overgrep, men uroa er så vag at du ikkje vurderer meldeplikta til barneverntenesta som utløyst, kan saka drøftas i Konsultasjonsteam for vald og seksuelle overgrep. Meld opp saka til kommunepsykolog veronika.helen.jakobsen@time.kommune.no

Kontakt

Kommune

Tenesteoversikt

Tilbakemeldingar